ჯამი: 👇ტრანსპორტირების დეტალების სანახავად დააჭირე "იყიდე" ღილაკს.

როგორ შევარჩიოთ მობილური ტელეფონი?

დღესდღეობით ძალიან ბევრი ბრენდის მიერ იწარმოება მობილურ ტელეფონები და მათ ძირითად უმრავლესობას აქვს სხვადასხვა სამოხმარებლო სეგმენტზე გათვლილი სერიები. აუქზონის კონსულტანტები დაგეხმარებიან, შეგარჩევინონ ზუსტად ის მოდელი, რომელიც შენთვის ყველაზე ხელსაყრელია.

როგორ შევარჩიო ტელეფონი?

ტელეფონის შერჩევის ამოსავალი წერტილია ბიუჯეტი და საჭიროება. პირველ რიგში, მომხმარებელი უნდა ჩამოყალიბდეს, რა თანხის ფარგლებში უნდა, შეიძინოს ტელეფონი. ტელეფონების არჩევანი დიდია, იწყება ყველაზე იაფი მობილური ტელეფონებით (არ გააჩნია სენსორული ეკრანი და აქვს ღილაკები) და მთავრდება საუკეთესო, მულტიფუნქციური ფლაგმანებით, როგორიცაა სამსუნგ გალაქსი S კლასი და აიფონი, რომლებიც, შესაძლოა, ათასობით ლარი ღირდეს.

ბიუჯეტური სმარტფონები

საშუალო, ბიუჯეტურ სმარტფონებში ყველაზე პოპულარულია სამსუნგის A სერია, შაომი (Xiaomi, „ქსიაომი“), რეალმი (Realme), პოკო (Poco), ჰუავეი (Huawei).

დაბალბიუჯეტური სმარტფონები

გარდა ამისა, შესაძლოა, გაინტერესებდეთ სხვა საშუალო და დაბალბიუჯეტური სმატფონები, როგორებიცაა: ალკატელი (Alcatel), ჰონორი (Honor), ოკიტელი (Okitel), ტექნო (Techno), ნოკია (Nokia), ბლუ (Blu), მოტოროლა (Motorola), სონი (Sony), სიგმა (Sigma), ZTE, და სხვა.

ფლაგმანები

რაც შეეხება ფლაგმანებს, საუკეთესო, პრემიუმ ხარისის მობილური ტელეფონების სათავეში დგას სამსუნგის S, Note და Fold სერიები (Samsung Galaxy S Series, Note Series, Fold, Z Fold), ეფლის აიფონები (Apple Iphone), გუგლის პიქსელი (Google Pixel), ვანფლასი (OnePlus). ეს სმარტფონები წარმოდგენილია უახლესი ტექნოლოგიით, საუკეთესო ეკრანით, მაღალი გარჩევადობის კამერებით (მიკრო კამერა, მაკრო კამერა, ზუმ კამერა, ფართოკუთხიანი კამერა, ტელეფოტო კამერა და სხვა). გარდა ამისა, უფრო და უფრო პოპულარული ხდება ტელეფონები 5G მხარდაჭერით.

რას უნდა მივაქციო ყურადღება სმარტფონის შერჩევისას?

წარმადობა: პროცესორი (CPU), რამი (RAM)

მობილური ტელეფონის პროცესორი (ჩიპსეტი) არის პასუხისმგებელი აბსოლუტურად ყველაფერის ფუნქციონირებაზე. ეს არის სმარტფონის „ტვინი“ და მათი უმრავლესობა წარმოდგენილია ხელოვნური ინტელექტის (AI) შესაძლებლობებით, რისი წყალობითაც დღეს ტელეფონებზე ითქმის, რომ მართლაც სმარტია ანუ „ჭკვიანი“.

კარგი პროცესორი არა მხოლოდ ეხმარება ტელეფონს, რომ იყოს სწრაფი, შეუმძნევლად და დაყოვნების გარეშე ასრულებდეს დავალებას, არამედ ასევე აუმჯობესებს სხვა ფუნქციებს, როგორცისაა ფოტო-ვიდეო კამერის სიჩქარე, ვიდეო კადრების სიხშირე და გაფართოება, ფოტოების პროცესინგი, თითის ანაბეჭდის წაკითხვის და სახის ამოცნობის სიჩქარე, თამაშების ჩართვის სისწრაფე, მაღალი ხარისხით თამაშის შესაძლებლობა და სხვა.

შესაბამისად, როდესაც არჩევ ტელეფონს, უნდა გაითვალისწინო თუ მისი პროცესორი რამდენად დააკმაყოფილებს შენს საჭიროებებს.

ყველაზე პოპულარულ პროცესორებს შორისაა ეფლის A ჩიპსეტი (მაგ: Apple A12, A13, A14 Bionic), ქვალკომის სნაპდრაგონი (Qualcomm Snapdragon 888, 845 და სხვა), სამსუნგის ექსინოსი (Samsung Exynos 2100, 1080 და სხვა), ჰაისილიკონის კირინი (HiSilicon Kirini 9000, 990 და სხვა).

დღესდღეობით ყველაზე სწრაფი პროცესორების ათეული ასე გამოიყურება (ტოპ ათი პროცესორი):

#
პროცესორირეიტინგიAnTuTu 8Geekbench 5*ბირთვიClock**გრაფიკული პროცესორი
Apple
96
A+
597353
1576 / 3833
6
(2+4)
3100 MHz
Apple GPU
Qualcomm
92
A+
704554
1110 / 3646
8
(1+3+4)
2840 MHz
Adreno 660
Samsung
89
A+
680653
1068 / 3557
8
(1+3+4)
2900 MHz
Mali-G78 MP14
HiSilicon
88
A+
674730
1040 / 3650
8
(1+3+4)
3130 MHz
Mali-G78 MP24
Apple
87
A+
518662
1309 / 3458
6
(2+4)
2660 MHz
Apple A13 Bionic GPU
Samsung
82
A
636664
847 / 2913
8
(1+3+4)
2800 MHz
Mali-G78 MP10
Qualcomm
81
A
639621
986 / 3322
8
(1+3+4)
3200 MHz
Adreno 650
Qualcomm
80
A
607410
903 / 3258
8
(1+3+4)
3100 MHz
Adreno 650
Qualcomm
80
A
585355
914 / 3434
8
(1+3+4)
2840 MHz
Adreno 650
HiSilicon
79
A
630688
1043 / 3705
8
(1+3+4)
3130 MHz
Mali-G78 MP22

* - შედეგები ერთ ბირთვზე / Geekbench 5-ის ტესტი ყველა ბირთვზე, შესაბამისად.

** - ყველაზე მეტი წარმადობის მქონე ბირთვების ბლოკის პიკური სიხშირე.

ეფლის პროცესორები განთქმულია გამოთვლის სისწრაფით. მასთან ყველაზე ახლოს არის სნაპდრაგონის პროცესორი ანდროიდებისათვის. საშუალობიუჯეტურ კატეგორიაში სნაპდრაგონის გამოშვებული პროცესორები დომინანტობს, ასევე კირინის და ჰელიოს პროცესორები.

RAM - რა დატვირთვა აქვს მას?

RAM (Random access memory), ეს არის კომპიუტერის ან სმარტფონის მახსოვრობისთვის გამოყოფილი ნაწილი. არ უნდა აგვერიოს გრძელვადიანი მახსოვრობის ბარათში, სადაც ინახება ფოტოები, პროგრამები, დოკუმენტები და ა.შ. Ram არის გამოყოფილი მოკლევადიანი მახსოვრობისთვის. მაგალითისთვის ავიღოთ ვიდეო თამაში, ვიდეო კლიპი ან სულაც ბრაუზინგის დროს გახსნილი რამდენიმე ტაბი. ამ დროს ღია ფაილი გადადის მოკლევადიან მახსოვრობაში, რომ დაპაუზების ან ჩაკეცვის შემთხვევაში ფაილის გახსნა და ჩატვირთვა ხელახლა არ გახდეს საჭირო. შესაბამისად, თუკი მიჩვეული ხარ მულტიტასკინგს, ანუ ერთდროულად რამდენიმე საქმის კეთებას კომპიუტერსა ან სმარტფონში, შენთვის რამს (RAM) ძალიან დიდი მნიშვნელობა აქვს, რომ ყოველგვარი დაყოვნებების გარეშე შეძლო საქმის შესრულება. ამისათვის რეკომენდირებულია 6, 8, 10 ან 12 გიგაბაიტიანი-იანი RAM-ი.

თუკი მსუბუქი დატვირთვით ხმარობ ტელეფონს, მაშინ 2, 3 და 4 GB-იც შესაძლოა, გეყოს.

აირჩიე ოპერაციული სისტემა

მარტივად რომ ვთქვათ, ბაზარზე ორი ალტერნატივაა, ანდროიდი (Android) და iOS (ადრე — iphone OS).

არჩევანის კაგეთება ამ ორს შორის იმაზე ბევრად რთულია, ვიდრე ეს ერთი შეხედვით ჩანს, იმის გამო, რომ ორივეს აქვს ძალიან ბევრი მინუსი და პლიუსი.

თუკი შენ ხარ ისეთი ხასიათის ადამიანი, ვისაც მოსწონს ფუნქციებში „ძრომიალი“ და ყველაფრის საკუთარ საჭიროებაზე მორგება, შენ უფრო მეტად ანდროიდის „ტიპი“ ხარ. და თუ ხარ ადამიანი, რომელსაც უბრალოდ სიმარტივე გიზიდავს, მაშინ iOS-ის მოყვარულების გუნდში ხარ.

ამ გამიჯნვასაც აქვს თავისი ნაკლი, რადგან ყოველწლიურად ანდროიდი უფრო და უფრო მარტივდება და ახალი, მე-12 ვერსიაც უკვე იმდენად მარტივია, თუკი ზედმეტად არ დაუწყებ პარამეტრებს ჩაძიებას, შეგვიძლია თამამად ვთქვათ, რომ Android 12 სიმარტივის კუთხით კარგი კონკურენტია iOS-ის.

გარდა ამისა, ახალი iOS 14.1 უკვე ე.წ. ვიჯეტებითაა აღჭურვული, რაც აქამდე ექსკლუზიური იყო ანდროიდისთვის, ხოლო მე-15 ვერსიიდან აიფონი მიიღებს „always on screen“ მხარდაჭერას, რაც გულისხმობს იმას, რომ დასვენების რეჟიმში ჩამქრალ ეკრანზე გამოჩნდება საათი, შეტყობინებები, „ვიჯეტები“ და ა.შ.

არსებობს ასევე მითი აიფონის დაცულობისა ანდროიდთან შედარებით, რაც არაა მართალი და თამამად შეგვიძლია არ მივიღოთ გადაწყვეტილება ამ მხრივ. დაცულობის კუთხით, ორივე ოპერაციული სისტემა საკმაოდ მაღალ დონეზეა, თუმცა ნებისმიერი სისტემა მაინც არის მოწყვლადი, თუკი მომხმარებელი ელემენტარულ კიბერ-უსაფრთხოების ნორმებს არ დაიცავს.

უნდა აღვნიშნოთ, რომ ეფლს თავის დივაისებში აქვს მოწყობილი ერთიანი ეკოსისტემა, რაც მომხმარებელს, რომელსაც აქვს ეფლის ლეპტოპი, აიპადი და ა.შ., უმარტივებს ამ დივაისებს შორის შეუმჩნევლად მუშაობას, სადაც ერთ სისტემაშია მოქცეული სმს-ები, ტელეფონის ნომრები, სურათები, ვიდეოები და სხვა დოკუმენტები, რომელთა სინქრონიზაცია ხდება აიქლაუდის (iCloud) საშუალებით. ასევე აპლიკაციებს შორის კავშირი სწრაფი და მარტივია. შესაძლებელია მობილურის ზარების პასუხი ლეპტოპზე და ა.შ.

სწორედ იმის გამო, რომ აიფონის ოპერაციული სისტემა, ტელეფონი და პროცესორი ერთი წარმოებისაა, ანდროიდის ტელეფონებთან შედარებით მეტად ოპტიმიზებულია და სწრაფი, რაც იმას ნიშნავს, რომ თანაბარი სისტემური მახასიათებლების პირობებში, აიფონი უფრო სწრაფი და ეკონომიური უნდა იყოს.

ეკოსისტემის კუთხით სრულიად იყო ჩამორჩენილი ანდროიდი, რადგან, ცნობილია, ანდროიდი გუგლის (Google) მიერაა შექმნილი, ანდროიდზე მომუშავე ტელეფონების მწარმოებლები სულ სხვა კომპანიები არიან, ხოლო ლეპტოპების უმრავლესობა მაიკროსოფტის ვინდოუსით (Microsoft Windows) არის აღჭურვილი. შესაბამისად, ამ ჩავარდნის გამოსასწორებლად გუგლმა დაიწყო თანამშრომლობა როგორც მაიკროსოფტთან, ასევე უდიდესი ტელეფონების მწარმოებელთან, სამსუნგთან. მაიკროსოფტმა და გუგლმა ერთად შეიმუშავეს ისეთი აპლიკაცია, რისი საშუალებითაც ვინდოუსთან ინტეგრირდება ანდროიდის ტელეფონი. გარდა ამისა, Windows 11-ზე უკვე შესაძლებელია ანდროიდის აპლიკაციების ინსტალაცია. სამსუნგი და გუგლი კი თავის მხრივ დასაკეცი სმარტფონებისათვის ოპერაციული სისტემის დიზაინზე მუშაობენ ექსკლუზიურად, რაც განახორციელეს Samsung-ის FOLD-ებზე (ანდროიდის One UI).

რომელი ანდროიდის ინტერფესის დიზაინი გირჩვია? ("იუზერ ინტერფეისი", UI)

ზემოთაც ვახსენეთ, რომ არსებობს One UI, კოსტომიზებული ანდროიდის ინტერფეისი სამსუნგის სმარტფონებზე. ასევე არსებობს OnePlus-ის სმარტფონებზე OxygenOS, Xiaomi-ის — MIUI, Oppo და Realme-ის — ColorOS. რაც შეეხება Google Pixel-ის სმარტფონს, სტოკ ანდროიდის ინტერფეისითაა წარმოდგენილი, რასაც ბევრი დიდ უპირატესობას ანიჭებს, რადგან მაქსიმალურად ოპტიმიზებულია, შესაბამისად, მარტივი და სწრაფიც.

სმარტფონის ეკრანი

სმარტფონების ეკრანები თანდათან უფრო იზრდება, რა მოდაც სამსუნგმა შემოტანა გალაქსი ნოუთით. დღესდღეობით ეკრანის დიაგონალი 7 ინჩის აღწევს და უკვე ფაბლეტის ზომას მიუახლოვდა. სწორედ ამიტომ სამსუნგი ნელ-ნელა ამკვიდრებს დასაკეც სმარტფონებს სამომხმარებლო ტექნიკის სფეროში, რომ სმარტფონი ერთდროულად იყოს დიდეკრანიანი და პორტატული.

რაც შეეხება დისპლეის ტიპებს, ბაზარზე წარმოდგენილია ძირითადად ორი ვარიანტი: LCD (შეიძლება იყოს უბრალო, შეიძლება IPS ტექნოლოგიით აღჭურვილი) და AMOLED (OLED და Super AMOLED ვერსიებით). AMOLED ვერსიები გამორჩეულია უკეთესი კონტრასტულობით და უფრო მუქი შავებით (ნამდვილი შავი, „true black “). ასევე ზოგავს ელემენტს, რადგან შავი პიქსელები საერთოდ ქვრება, რაც ავტომატურად ენერგოეფქტურობაზე დადებითად აისახება. ტელეფონის ეკრანების უდიდესი მწარმოებლები არიან თავად Samsung-ი, ასევე LG და შედარებით ბიუჯეტური ეკრანების მწარმოებელია BOE. სხვადასხვა დროს ეფლიც იყენებს ამ სამი მწარმოებლის ეკრანებს ფასისა და ტექნოლოგიის მოთხოვნილების შესაბამისად.

გარდა ეკრანის ტექნოლოგიისა, მნიშვნელოვანი მახასიათებელი ეკრანის გაფართოების სიდიდე, იგივე რეზოლუცია. ყველაზე პატარა გაფართოებისაა Full HD, შემდეგ - Full HD+, Quad HD და ა.შ. რაც გაფართოების სიდიდის შესაბამისად უფრო მეტ ენერგიას მოიხმარს. აღსანიშნია, რომ გაუვარჯიშებელი თვალისთვის FHD - სა და QHD - შორის განსხვავება რთულად შესამჩნევია.

ბოლო წლებში ტელეფონებში აქტიური გახდა ეკრანის განახლების სიხშირის მახასიათებელიც. სტანდარტულად 60 ჰერციანი ეკრანი გამოიყენება, შედარებით გაუმჯობესებულია 90 ჰერციანი, ასევე გვხვდება 120 და 240 ჰერციანი ეკრანებიც. სწორედ ამ სიხშირის წყალობით (რაც მეტია, უკეთესია, რა თქმა უნდა), გამოსახულება უფრო და უფრო გლუვი და სწრაფია, ანიმაცია უფრო ლამაზია, თამაშიც უფრო მოსახერხებელი და ეკრანი ზოგადად — ბევრად უფრო რესპონსიული. თუმცა ეს ფუნქციაც საკმაოდ დიდ ენერგიას მოიხმარს, რის გამოც სამსუნგმა შეიმუშავა VRR ტექნოლგია, ე.წ. ცვლადი განახლების სიხშირის ეკრანი, რაც იმას გულისხმობს, რომ ეკრანის განახლების სიხშირე 1-დან 240-მდე შეიცვლება მომხმარებლის კონკრეტული საჭიროებიდან გამომდინარე.

სმარტფონის ეკრანები სპეციალური დამცავი შუშითაა აღჭურვილი, რადგან საკმაოდ ძვირადღირებული ტექნოლოგიაა და ეკრანის სრული დაზიანებისგან იცავს (Gorilla glass 5, 6 და ა.შ.). გარდა ამისა, რეკომენდირებულია დამატებითი შუშის ან დამცავი ცელოფნის გადაკვრა, დავარდნის შემთხვევაში დაზიანების ალბათობის შესამცირებლად.

რამდენი GB მახსოვრობა მჭირდება?

დღევანდელი სტანდარტი 64 გიგაბაიტია. სმარტფონების ძირითადი უმრავლესობა სწორედ ამ ზომის მახსოვრობით გვხვდება. არის, რა თქმა უნდა, როგორც 16 და 32 გბ-იანები, ასევე 128, 256, და 512-იანიც კი, რომლებიც სამსუნგის ფლაგმანებში გვხვდება.

სამსუნგის ტელეფონების უმრავლესობას, ასევე სხვა ანდროიდის ტელეფონებს აქვს დამატებითი SD ბარათის წამკითხველი, რაც შიდა (ინტეგრირებულ) მახსოვრობას ზრდის დამატებით 512GB-მდე, თუმცა SD ბარათის წაკითხვის სიჩქარე შედარებით დაბალია და მომხმარებლის უმრავლესობა ინტეგრირებულ მახსოვრობას ამჯობინებს.

სამსუნგმა დააანონსა ახალი, სუპერ ჩქარი მახსოვრობის ბარათი (eUFS 3.0 chips), რომელიც ორჯერ უფრო სწრაფია კონვენციურ ბარათებზე და აპირებს, რომ გამოუშვას 1TB-ის ზომის ვერსიაც.

ტელეფონის მახსოვრობასთან დაკავშირებით ხშირად აკრიტიკებენ აიფონს, რადგან ვერსიებს შორის (64GB, 128GB, 256GB) საკმაოდ დიდი სხვაობაა ფასის კუთხით და არც დამატებით მახსოვრობის (SD) ბარათის ინსტალაციის საშუალებას იძლევა. შესაბამისად, აიფონის მომხმარებლის უმრავლესობა სარგებლობს icloud-ის ფასიანი მომსახურებით.

თუმცა, რაც დრო გადის, უფრო და უფრო მცირდება ეს პრობლემა, რადგან სტანდარტი იმდენად მიუახლოვდა საშუალო მომხმარებლისთვის საჭირო მახსოვრობის სიდიდეს, რომ სხვა სმარტფონების მწარმოებლებიც აპირებენ SD ბარათის წაკითხვის საშუალების გაუქმებას. ზოგადად, საშუალო მომხმარებლისთვის ყველაზე მისაღები 128 გბ-ის მახსოვრობაა მისაღები.

რამდენი ხანი უნდა გაძლოს ელემენტმა ერთი დატენვით?

ოქროს სტანდარტი ამ მხრივ ფლაგმანებში არის 6 საათი და მეტი ტელეფონის მოხმარება ჩართული ეკრანით. ზოგიერთი ფლაგმანი და საშუალო ბიუჯეტიანი ტელეფონები 8-10 საათსაც აღწევს. ზოგადად, ეს მონაცემი საკმარისია იმისთვის, რომ საშუალო დატვრითვით ტელეფონმა 1 სრული დღე გაძლოს. რა თქმა უნდა, დამოკიდებულია მომხმარებლის საჭიროებებზე, თამაშობს თუ — არა, კამერას ხშირად ხმარობს თუ — არა, ტელეფონს კარგად უვლის თუ — არა და ა.შ.

სმარტფონების ელემენტები წარმოდგენილია Li-Po (ლითიუმ პოლიმერტული) და Li-Ion (ლითიუმ იონური) ელემენტებით. მოკლედ რომ ვთქვათ, ლითიუმ პოლიმერული ელემენტები ბევრად უფრო მოსახერხებელია დასამზადებლად, არის უფრო უსაფრთხო და თვითდაცლის კუთხითაც უფრო სტაბილურია, თუმცა ძვირიც. ლითიუმ იონური ელემენტები უფრო ტევადია და გამძლე, მაგრამ ტელეფონების აალების ინციდენტების გამო ნელ-ნელა მწარმოებლები ისევ ლითიუმ პოლიმერულ ელემენტებს დაუბრუნდნენ.

ამჟამად სამსუნგი გრაფენის ტექნოლოგიის ელემენტებზე მუშაობს. ამ ტექონოლოგიის საშუალებით ელემენტები 2-ჯერ უფრო ტევადი იქნება ვიდრე ლითიუმ პოლიმერული და იონური ელემენტები, ამსთან ბევრად უფრო უსაფრთხოც და ვარაუდობენ, რომ 5-ჯერ უფრო სწრაფად იქნება მათი დამუხტვა შესაძლებელი.

სმარტფონის კამერა

კამერის ხარისხი და ტიპი ძალიან დიდ როლს თამაშობდა სმარტფონის შერჩევის პროცესში. დღესაც ასეა, მაგრამ ბოლოდროინდელი ტენდენციებიდან გამომდინარე თითქმის ყველა მწარმოებელი იყენებს მულტი-კამერას, რის გამოც უკვე რთულია, კამერიდან გამომდინარე მიანიჭო სმარტფონს უპირატესობა. დღესდღეობით სამი უპირობოლო ლიდერია ამ კუთხით: ეფლის აიფონი, სამსუნგის S სერია და გუგლის პიქსელი.

ძირითადად სმარტფონებზე წარმოდგენილია ზუმი, სტანდარტული, ტელეფოტო და ფართოკუთხიანი კამერები.

ასევე არსებობს მიკრო კამერაც, რაც მიკროსკოპული ზომის ობიექტებზე სურათის გადაღების საშუალებას იძლევა.

აიფონის კამერა გამოირჩევა კარგი სენსორითა და კარგად ოპტიმიზებული ფოტოსურათის დამუშავების ალგორითმით. სამსუნგი გამოირჩევა დიდი სენსორით, ხოლო გუგლის პიქსელი უშუალოდ სურათის დამუშავების ძალიან კარგი ალგორითმით.

იმის გამო, რომ ბევრი კამერის გამო დამძიმდა ტელეფონები და დაუშნოვდა, სამსუნგმა ამ პრობლემის გადაჭრის მიზნით დააანონსა ახალი თხევადი ლინზის ტექნოლოგია, რაც საშუალებას მისცემს სმარტფონის მწარმოებლებს, რომ ერთი კამერის მოდულში გაერთიანდეს სხვადასხვა ტიპის კამერა, რაც გაამარტივებს როგორც წარმოების პროცესს, ასეევე შეამცირებს ხარჯებს.

როგორ შევიძინო?

აუქზონზე შეძენა მარტივია და უსაფრთხო მარტივი რეგისტრაციით ან სტუმრის სტატუსით. აქ იყიდება ტელეფონები ოფიციალური მომწოდებლებისგან, არის სრულიად ახალი და მოქმედებს ოფიციალური გარანტია. ჩვენთან ყველაფერია და თუ მაინც ვერ ნახავ რამეს, არ იდარდო, მაინც დაკვიკავშირდი.

იცოდე! ჩვენ შეგვიძლია, შევუკვეთოთ ნებისმიერი რამ ამერიკიდან, ჩინეთიდან და ნებისმიერი სხვა ქვეყნიდან და შენ შეგიძლია, შეიძინო განვადებით!

ანგარიშსწორების მეთოდები:

  • საბარათე გადახდა
  • საბანკო გადარიცხვა
  • თიბისი ბანკის განვადება
  • საქართველოს ბანკის განვადება
  • კრედო ბანკის განვადება
  • სფეისის განვადება
  • კრისტალის განვადება

მიწოდება ყველგან, მთელი საქართველოს მასშტაბით. იმავე დღის მიწოდება თბილისში 25 კგ-მდე ნივთებზე (დეტალებზე მოგვწერეთ).